ജയസൂര്യ തെലുങ്കില്‍

ജയസൂര്യ അതിര്‍ത്തികള്‍ കടക്കുകയാണ്. മലയാളത്തില്‍ ഒട്ടേറെ കഥാപാത്രങ്ങള്‍ അവതരിപ്പിച്ച ശേഷമാണ് ജയസൂര്യ തമിഴിലെത്തിയത്. തമിഴില്‍ കമലഹാസനോടൊപ്പം വരെ ജയസൂര്യ അഭിനയിച്ചു. ഇപ്പോഴിതാ തെലുങ്കിലേക്കും ജയസൂര്യയ്ക്ക് ക്ഷണമെത്തിയിരിക്കുന്നു.തെലുങ്കിലെ ഹിറ്റ്‌മേക്കറായ സൂര്യകിരണ്‍ സംവിധാനം ചെയ്യുന്ന പുതിയ ചിത്രത്തിലാണ് ജയസൂര്യ അഭിനയിക്കുന്നത്. കഥാപാത്രത്തിന്‍റെ വിശദാംശങ്ങള്‍ പുറത്തു വിട്ടിട്ടില്ല. അടുത്ത വര്‍ഷം ഫെബ്രുവരിയില്‍ ചിത്രീകരണം ആരംഭിക്കും. മലയാളത്തിലും ചുവടുറപ്പിച്ചു കഴിഞ്ഞ ജയസൂര്യ എസ് എന്‍ സ്വാമി തിരക്കഥയെഴുതുന്ന സിനിമയില്‍ അസിസ്റ്റന്‍റ് കമ്മീഷണറായി അഭിനയിക്കുന്നു. വി കെ പ്രകാശാണ് ഈ ചിത്രത്തിന്‍റെ സംവിധാനം.