(ക‌ര്ടെസീ: വെബ്ദുനിയാ)
അനില്‍ സി മേനോന്‍ സംവിധാനം ചെയ്യുന്ന കളക്‍ടറില്‍ യാമിനി ശര്‍മ്മ സുരേഷ് ഗോപിയുടെ നായികയാവും. യാമിനിയുടെ മലയാളത്തിലെ അരങ്ങേറ്റ ചിത്രമാണിത്. തമിഴില്‍ യാമിനി ശര്‍മ്മ അറിയപ്പെടുന്നത് വടിവേലുവിന്‍റെ നായികയായിട്ടാണ്. വര്‍ഷങ്ങള്‍ നീണ്ട അഭിനയ കാലയളവില്‍ വടിവേലുവിന് രണ്ടാമത്തെ നായക കഥാപാത്രത്തെ ലഭിച്ചത് ‘ഇന്ദ്ര ലോകത്തില്‍ നാന്‍ അഴകപ്പന്‍’ എന്ന സിനിമയിലാണ്. ഇതില്‍ യാമിനിയാണ് നായിക. ‘മണിച്ചിത്രത്താഴ്’ എന്ന സിനിമയില്‍ ശോഭനയുടെ അഭിനയ മുഹൂര്‍ത്തങ്ങള്‍ ആരാധനാ ഭാവത്തോടെയാണ് യാമിനി നോക്കി കാണുന്നത്. നല്ലൊരു ഭരതനാട്യ നര്‍ത്തകി കൂടിയായ യാമിനി നൃത്ത പ്രാധാന്യമുള്ള വേഷങ്ങള്‍ കാത്തിരിക്കുന്നു. കളക്‍ടര്‍ എന്ന സിനിമയില്‍ ജനങ്ങള്‍ കാത്തിരുന്ന ഒരു ജനകീയ കളക്ടറായിട്ടാണ് സുരേഷ് ഗോപിയുടെ നായക വേഷം. നാട്ടു പ്രമാണിമാരുടെ വക്കാലത്തിനോ ഭരണാധികാരുടെ പ്രീതിക്കോ തളയ്ക്കാനാവാത്ത ഒരു കഥാപാത്രത്തെയാണ് സുരേഷ്ഗോപി അവതരിപ്പിക്കുന്നത്.
No comments:
Post a Comment