(ക‌ര്ടെസീ: വെബ് ദുനിയാ)
പുരാണങ്ങളിലായാലും ചരിത്രത്തിന്‍റെ ഏടുകളിലായാലും കുലപത്നിമാരുടെ വിരഹ വേദനകള്‍ എന്നും നമ്മെ തപ്തഹൃദയരാക്കാറുണ്ട്. ഇത്തരത്തില്‍ പ്രേക്ഷകരില്‍ ആകുലത നിറയ്ക്കാനാവുന്ന ഒരു വേഷം ആഷിനെ തേടി എത്തിയിരിക്കുന്നു.
സിദ്ധാര്‍ത്ഥ രാജകുമാരന്‍റെ പത്നിയായ യശോധരയുടെ വേഷമാണ് ഐശ്വര്യ റായ് ബച്ചനെ തേടി എത്തിയിരിക്കുന്നത്. ‘ബുദ്ധ’ എന്ന ഇംഗ്ലീഷ്-ഹിന്ദി ചിത്രത്തില്‍ യശോധരയുടെ വേഷം ഭംഗിയാക്കാന്‍ ആഷിനെ പ്രശസ്ത സംവിധായകന്‍ പാന്‍ നളിന്‍ ക്ഷണിച്ചു കഴിഞ്ഞു.
സിദ്ധാര്‍ത്ഥന്‍ ഇഹലോക ബന്ധങ്ങളെല്ലാം വെടിഞ്ഞ് ഒരു സന്യാസിയായി മാറുകയും നിര്‍‌വാണം പ്രാപിക്കുകയും ചെയ്യുന്നു. അതിനു ശേഷം സിദ്ധാര്‍ത്ഥനെ ബുദ്ധന്‍ എന്നറിയപ്പെട്ടു.
ഇന്ത്യന്‍ വംശജനായ നളിന്‍ സംവിധാനം ചെയ്ത ‘സംസാര’ എന്ന സിനിമ ലോകത്തിന്‍റെ ശ്രദ്ധ പിടിച്ചുപറ്റിയിരുന്നു. അടുത്തകാലത്താണ് ഇന്ത്യയില്‍ ഈ ചിത്രത്തിന്‍റെ ഡിവിഡി അവതരിപ്പിച്ചത്. ഇതിനായി മുംബൈയില്‍ എത്തിയപ്പോള്‍ ബുദ്ധയുടെ തിരക്കഥ ആഷിനെ കാണിച്ചു എന്നും നളിന്‍ പറയുന്നു. എന്നാല്‍, ആഷ് അഭിനയിക്കുന്നതിനെ കുറിച്ച് അഭിപ്രായമൊന്നും പറഞ്ഞിട്ടില്ല.
ഒരു ബുദ്ധ സന്യാസിയുടെ ആത്മസംഘര്‍ഷത്തിന്‍റെ കഥപറഞ്ഞ നളിന്‍റെ ‘സംസാര’യില്‍ വിവിധ ദേശത്തുനിന്നുള്ളവരാണ് അഭിനയിച്ചത്. അമേരിക്ക, ഇന്ത്യ, ചൈന എന്നീ രാജ്യത്തു നിന്നുള്ള അഭിനേതാക്കളെ അവതരിപ്പിച്ച ഈ ചിത്രം പ്രേക്ഷക പ്രശംസ നേടിയെടുത്തിരുന്നു.
‘ബുദ്ധയു‘ടെ ചിത്രീകരണം ഓഗസ്റ്റില്‍ തുടങ്ങാനാണ് നളിന്‍ പദ്ധതിയിടുന്നത്.
No comments:
Post a Comment