പല പ്രമുഖ തമിഴ് നടന്‍മാരുടെയും ജീവിതാഭിലാഷമാണ് ഐശ്വര്യാറായ്‌ക്കൊപ്പം അഭിനയിക്കുക എന്നത്. ഒരുപാട്ടു സീനാണെങ്കില്‍ പോലും നടന്‍മാര്‍ ആ അവസരം ഒഴിവാക്കില്ല. തമിഴിലെ ഒന്നാംകിട നടന്‍ വിക്രമിന്റെ ആഗ്രഹവും ഇതൊക്കെത്തന്നെ. ആ മോഹമാണ് മണിരത്‌നത്തിന്റെ പുതിയ ചിത്രത്തിലൂടെ യാഥാര്‍ഥ്യമാകുന്നത്. തീര്‍ന്നില്ല വിശേഷം. ഇതില്‍ ഐശ്വര്യയുടെ ഭര്‍ത്താവ് അഭിഷേക് ബച്ചനും വേഷമിടുന്നു. 'ഗുരു'വിനുശേഷം ഐശ്വര്യയെ നായികയാക്കി ചിത്രമെടുക്കാന്‍ മണിരത്നം നേരത്തേ തീരുമാനിച്ചിരുന്നു. അതിലേക്കാണ് വിക്രമിന്റെ വരവ്. മണിരത്നം ചിത്രത്തില്‍ വിക്രം അഭിനയിക്കുന്നത് ഇതാദ്യമാണ്.ചിത്രം തമിഴിനുപുറമെ ഹിന്ദിയിലും ഇറക്കാനാണ് തീരുമാനം. ഇതില്‍ ഐശ്വര്യയുടെ നായകനാകുന്നത് മറ്റാരുമല്ല-ഭര്‍ത്താവ് അഭിഷേക് ബച്ചന്‍ തന്നെ. അതിലും വിക്രമിന് റോളുണ്ടാകും. എ.ആര്‍.റഹ്മാന്റെ സംഗീതവും ഈ ചിത്രങ്ങളുടെപ്രത്യേകതയായിരിക്കും.
No comments:
Post a Comment