നടന്‍ ജഗദീഷ് സംവിധാനരംഗത്തേക്ക് കടക്കുന്നു. മമ്മൂട്ടിയായിരിക്കും കന്നി സംരംഭത്തിലെ നായകന്‍. 'അനന്തഭദ്രം', 'ഛോട്ടാമുംബൈ' എന്നീ ചിത്രങ്ങളുടെ നിര്‍മ്മാണ പങ്കാളിയായിരുന്ന അജയ് ചന്ദ്രന്‍ നായരാണ് ചിത്രം നിര്‍മ്മിക്കുന്നത്. ഒരു മുഴുനീള ഹാസ്യചിത്രമായിരിക്കുമെന്ന് മാത്രമാണ് ജഗദീഷ് തന്റെ സിനിമയെക്കുറിച്ച് വെളിപ്പെടുത്തിയത്. മമ്മൂട്ടിയുടെ നിര്‍ദേശപ്രകാരം ജദഗീഷ് തന്നെയാണ് ചിത്രത്തിന്റെ കഥയും തിരക്കഥയുമെഴുതുന്നതെന്നാണ് വിവരം. സമീപകാലത്തായി അഭിനയത്തിന് പുറമേ അവതാരകനെന്ന നിലയില്‍ ജഗദീഷ് ഏറെ തിളങ്ങിയിരുന്നു. ജഗദീഷിന്റെ കഥയിലാണ് 'മഴപെയ്യുന്നു മദ്ദളം കൊട്ടുന്നു' എന്ന സിനിമ പ്രിയദര്‍ശന്‍ ഒരുക്കിയത്. അധിപന്‍ എന്ന മോഹന്‍ലാല്‍ ചിത്രത്തിന് തിരക്കഥയെഴുതിയ ജഗദീഷ് തന്നെയാണ് മണിമവത്തൂരിലെ ആയിരം ശിവരാത്രികള്‍ക്ക് സംഭാഷണം ഒരുക്കിയതും.
No comments:
Post a Comment