(ക‌ര്ടെസീ :വെബ് ദുനിയാ)
മലയാള സിനിമയില്‍ ചരിത്രം എഴുതി ചേര്‍ക്കാനായി “അമ്മ”യുടെ ‘ട്വന്‍റി ട്വന്‍റി’ കൊച്ചിയില്‍ ചിത്രീകരണം തുടങ്ങി. മലയാള സിനിമയില്‍ നിന്നുള്ള 69 താരങ്ങള്‍ അഭിനയിക്കുന്ന ഈ മൂന്ന് മണിക്കൂര്‍ ചിത്രം മാര്‍ച്ച് പകുതിയോടെ റിലീസാവും. സിനിമയെ കുറിച്ച് വിമര്‍ശനങ്ങള്‍ പ്രത്യക്ഷപ്പെടാതിരിക്കാന്‍ മാധ്യമങ്ങളെ പരിധിക്ക് പുറത്ത് നിര്‍ത്തിയിരിക്കുകയാണ് “അമ്മ”. മമ്മൂട്ടി, മോഹന്‍ലാല്‍, ജയറാം, സുരേഷ്ഗോപി തുടങ്ങി മലയാളത്തിലെ എല്ലാ നായക നടന്‍‌മാരും ഒന്നിക്കുന്ന ചിത്രത്തില്‍ കാവ്യമാധവന്‍, ഗോപിക,ഭാവന, നവ്യാ നായര്‍ തുടങ്ങി മിക്ക നായികമാരും വേഷമിടുന്നുണ്ട്. സിബി കെ തോമസ്, ഉദയകൃഷ്ണ എന്നിവരാണ് ‘ട്വന്‍റി ട്വന്‍റി’ ക്ക് തിരക്കഥ എഴുതുന്നത്. ജോഷി സംവിധാനം നിവ്വഹിക്കുന്നു. നിര്‍മ്മാണത്തിന് നടന്‍ ദിലീപിന്‍റെ ഗ്രാന്‍ഡ് പ്രൊക്ഷന്‍സും സഹായിക്കുന്നു. “അമ്മ” ധന ശേഖരാര്‍ത്ഥം നിര്‍മ്മിക്കുന്ന ഈ ചിത്രത്തില്‍ സംഘടനയിലെ അംഗങ്ങള്‍ പ്രതിഫലം പറ്റാതെയാണ് ജോലി ചെയ്യുന്നത്.
No comments:
Post a Comment