മല്ലിക രാഷ്ട്രീയത്തില്‍?

(ക‌ര്ടെസീ:വെബ് ദുനിയാ)

പ്രേക്ഷകരെ എരിപൊരി കൊള്ളിക്കുന്ന രീതിയില്‍ അഭിനയം കാഴ്ച വയ്ക്കുന്ന ബോളിവുഡ് ഹോട്ടസ്റ്റ് മല്ലികാ ഷെരാവത്ത് രാഷ്ട്രീയത്തിലേക്ക് ചുവടുമാറ്റുന്നോ! മല്ലിക അടുത്ത വര്‍ഷം ആദ്യം പുറത്തിറങ്ങുമെന്ന് പ്രതീക്ഷിക്കുന്ന കുന്ദന്‍ ഷായുടെ രാഷ്ട്രീയ ആക്ഷേപഹാസ്യ ചിത്രത്തില്‍ പ്രധാന വേഷം ചെയ്യും. കുന്ദന്‍ ഷായുടെ ചിത്രത്തില്‍ പ്രധാന വേഷം ലഭിച്ചതില്‍ മല്ലിക അതീവ സന്തോഷവതിയാണത്രേ! തിരക്കഥയും റോളും മല്ലികയ്ക്ക് വളരെയധികം ഇഷ്ടമായെന്നാണ് റിപ്പോര്‍ട്ടുകള്‍. സത്താറ എന്ന കൊച്ചു ടൌണില്‍ നിന്നുള്ള ഒരു പെണ്‍കുട്ടിയെ ആണ് മല്ലിക അവതരിപ്പിക്കുക. വേശ്യാവൃത്തിയില്‍ നിന്ന് മുഖ്യമന്ത്രി പദം വരെ എത്തുന്ന വ്യത്യസ്തയായ പെണ്‍കുട്ടിയെ അഭിനയ ജീവിതത്തിലെ ഒരു നാഴികക്കല്ലായി മാറ്റുകയാണ് മല്ലികയുടെ ലക്‍ഷ്യം. സിനിമയിലെ മറ്റ് അഭിനേതാക്കളെ കുറിച്ച് വ്യക്തമായ ധാരണ ആയിട്ടില്ല. സിനിമ 2008 ആദ്യം തന്നെ തിയേറ്ററില്‍ എത്തിക്കാനാണ് ശ്രമമെന്നാണ് കുന്ദന്‍ഷായോട് അടുത്ത വൃത്തങ്ങള്‍ സൂചിപ്പിക്കുന്നത്.